Virtual Təhsil Sisteminin
məqalə-layihəsi hazırlanıb
VTS haqqında zəruri məlumatlarla bu məqalə vasitəsilə
tanış olmaq olar...
Virtual
xarakterli təhsil sistemləri sahəsində uzunillər aparılan tədqiqatların
nəticəsi kimi bu məqalə-layihə hazırlanıb. Məqalə-layihə "Texniki Layihə"
xarakterini daşımır. Bununla yanaşı təhsil sistemlərində mövcud
qlobal problemlərin İKT vasitəsilə həll üsulları populyar formada təsvir
olunub...
Bu günkü təhsil sistemində həlli zəruri olan problemlər əsasən aşağıdakılardır:
- Təhsildə informasiyanın istehlakıla bağlı problemlər.
- Təhsil pillələrinin sayındakı məhdudiyyət nəticəsində ortaya çıxan təhsilin kəsilməzliyi ilə bağlı problemlər.
- Təhsil pillələri arasında keçid standartları ilə bağlı problemlər.
- Biliklərin yoxlanılması, qiymətləndirilməsi, növbəti təhsil pilləsinə keçidlə bağlı problemlər.
- Pedaqoji nəticəyə əsasən kadrların yerləşdirilməsi, attestasiyası, əməklərinin qiymətləndirilməsi və d. təhsil elementlərilə bağlı problemlər.
- Təhsil sisteminin optimal və operativ idarə olunmasıla bağlı problemlər.
- Təhsilin iqtisadiyyatıla bağlı problemlər.
- Ölkənin tələbatı əsasında ali ixtisaslı mütəxəssislərin hazırlanması ilə bağlı problemlər.
Təklif olunan "Virtual Təhsil Sistemi" yuxarıda sadalanan və digər mürəkkəb təhsil problemlərinin həlli üçün nəzərdə tutulub və aşağıdakı kompleks sistemlərdən ibarətdir:
- Ümumi İnformasiya Bankı Sistemi (ÜİBS)
- Təhsildə Yoxlama, Qiymətləndirmə və Keçid Sistemi (TYQKS)
- Təhsildə Təlim/Tədris Sistemi (TTTS)
- Təhsil Standartları Sistemi (TSS)
- Təhsilin Avtomatlaşdırılmış İdarəetmə Sistemi (TAİS)
Məqalədə VTS haqqında ümumi və bu sistemin kompleks alt-sistemləri haqqında zəruri məlumatlar verilib.