Veb ustaların, adminlərin, moderatorların ən böyük baş ağrısı MsWord-də yığılmış mətnlərin HTML formata keçirməkdir. Əlbəttə əgər siz HTML-i bilirsinizsə - bu problem deyil. Admin və moderatorların böyük əksəriyyəti HTML teqləri ya bilmir, ya da çox səthi bilir. Çıxış yolu kimi  MsWord-ə oxşayan MsFrontPage-dən istifadə edirlər. Amma FrontPage-in belə "unversallığı" əvəzinə nə itirdiklərinin fərqində deyillər. Faylın ölçüsü 2-3 dəfə böyüməklə yanaşı sənədə yüzlərlə (bəzən minlərlə) lazımsız teqlər düşür. Nəticədə faylın yüklənməsi həm gecikir, həm də sənədin formatı(stili) dəyişir. Belə sənədləri əllə "abıra" salmaq həddən artıq vaxt aparan və zəhlətökən bir prosedurdur.