Ön səhifə İmtahan səhifəsi İdarəetmə səhifəsi

VTS-TEST tətbiqi proqram sistemi, təhsilin ixtiyari pilləsində öyrədilən/tədris olunan məlumatların istehlak dərəcəsini müəyyən etmək üçün nəzərdə tutulub. Bu sistemin ilk versiyaları 1988-ci ildə hazırlanmışdır.  Keçən illər ərzində “Virtual Təhsil Sistemi” layihəsilə bağlı tədqiqatlar davam etdirilmişdir. İKT-nin inkişaf səviyyəsi və təhsil sisteminin tələbləri nəzərə alınaraq, yeni texnologiyalar əsasında VTS-TEST sisteminin Lokal və Qlobal şəbəkələrdə istismarı üçün nəzərdə tutulmuş variantları yaradılmışdır. Bu günə qədər aşağıdakı təhsil müəssisələrinə tətbiq olunub: Azərbaycan Tibb Unversitetinin “Sosial-Gigiyena” kafedrası (VTS-TEST sistemin 1.1.x versiyası, 1988-ci il) Bakı, Xətai, 98№-lı orta məktəb (VTS-TEST sistemin 1.2.x versiyası, 1997-ci il) Bakı, Şirvan hazırlıq kursları (VTS-TEST sistemin 1.2.x versiyası, 1999-cu il) Azərbaycan Dövlət Pedaqoji Universiteti. (VTS-TEST sistemin 1.3.x versiyası, 2007-ci il) Hal hazırda ADPU-nun əyani şöbəsinin tələbələri bütün imtahanları, o cümlədən, kollekviumları, sesiya və dövlət imtahanlarını bu sistem vasitəsilə keçirilir. Azərbaycan Memarlıq İnşaat Universiteti. (VTS-TEST sistemin 1.3.x versiyası, 2009-cu il)   AzMİU-da əyani şöbənin I-II kurs tələbələri 2009/2010 qış sesiya imtahanlarını bu sistem vasitəsilə keçirilib. Univerisitet rəhbərliyi 2009/2010 yay sesiyasında tamamilə bu sistemə keçməyi planlaşdırır. Azərbaycan Tibb Unversiteti. (VTS-TEST sistemin 1.3.x versiyası, 2011-ci il) ATU-da kredit sistemi ilə təhsil alan 1-4 kurs tələbələri 2011/2012 tədris ilinin payız sesiyasını VTS-TEST sistemi vasitəsilə verəcəklər. Yaxın gələcəkdə ATU-da VTS-TEST sisteminin 2-ci seqmentinin istismara buraxılması planlaşdırılır. Bu eyni zamanda imtahan verən tələbələrin sayını 500-ə çatdırmağa imkan verəcək.

1. VTS-TEST sisteminin əsas funksional imkanları

1. İstismar mühütü. Lokal(LAN) və Qlobal(WAN) şəbəkələrdə, o cümlədən İnterentdə istismar oluna bilər.

2. Xüsusi server kompüterlərə ehtiyacın olmaması. Bir səviyyəli lokal şəbəkədə istismar imkanının olması. WEB server(Apache) şəbəkəyə qoşulmuş adi kompüterə instal olunur. Bu isə iri həcmli maliyyə yatırımı tələb edən çox səviyyəli şəbəkənin yaradılması zəruriyyətini aradan götürür.

3. Xüsusi redaktorlara ehtiyacın olmaması. Test mətnlərinin hazırlanması üçün xüsusi redaktorlara ehtiyac yoxdur. Mətn, qrafika, audio/video elementli ilkin test materiallarını yaratmaq üçün MsWord və bu sistemdə minimal biliklər kifayətdir.

4. Operatorlar qrupuna ehtiyacın olmaması. Test mətnlərinin Verilənlər Bazasına daxil edilməsi üçün operatorlar qrupuna ehtiyac yoxdur. Müəllifin hazırladığı test mətnləri VTS-TEST-in AzMuM, TsVTS-Client və TsVTS-Server alt-sistemləri vasitəsilə lazımi formata gətirilir.

5. İstismar parametrlərinə tam nəzarət. İstismar üçün rəhbərliyə zəruri parametrlərinə nəzarət mexanizmləri realizə olunub:

• Kredit borclarıla bağlı parametrlərin müəyyən olunması;

• İmtahanların təqvimilə bağlı parametrlərinə nəzarət mexanizmi;

• Statusundan asılı olaraq (rəhbərlik, ekspert, admin, tələbə, qonaq, müsabiqə iştirakçısı və d.) istifadəçi rejimlərinə nəzarət;

• Biliklərin qiymətləndirilməsi üçün nəzərdə tutulan düz və səhv cavabların əmsallarının qabaqcadan müəyyən olunması imkanları var.

• Avtomatlaşdırılmış Appelyasiya xidməti realizə olunub.

• Müəssisə tərəfindən müəyyən olunmuş qaydaları pozmuş tələbələrin aşkarlanması üçün “Black List” alt-sistemindən istifadə olunur.

• Video-nəzarət sistemi avtomatik qaydada imtahanların gedişatının video çəkilişlərini aparmaq imkanına malikdir.

və s.

6. İstismarla bağlı əsas tələblərə məhdudiyyət yoxdur. Eyni zamanda test olunan tələbələrin, fənnlərin, variantların, hər variantda mövcud sualların və cavabların sayına məhdudiyyət yoxdur.

7. Müxtəlif geniş hesabatlar əldə etmək imkanı. Sistemin hər bir tələbə üçün yaratdığı şəxsi qiymət kartında, onun təhsilin müxtəlif pillələrində topladığı ballar qeyd olunur. Şəxsi Qiymət Kartları vasitəsilə müxtəlif tipli hesabatlar əldə etmək olar:

• Ixtiyari tələbənin təhsilin müxtəlif pillələrində əldə etdiyi nəticələr

• Müəllimlərin, kafedraların, fakultələrin tədris sahəsindəki fəaliyyəti ilə bağlı hesabatlar

• Ali məktəbin fəaliyyəti ilə bağlı hesabatlar

8. Genişlənmə imkanları. Sistemə qısa müddətdə 5 alt-sistem inteqrasiya oluna bilər:

• Video konfrensiya sistemi;

• İmtahanlara video-nəzarət sistemi;

• Elektron Kitabxana sistemi;

• Fayl Mübadiləsi Sistemləri;

• Kliyent kompüterləri optimal şəkildə istisamar etmək üçün “VTS-TEST Qeydiyyat” alt-sistemi.

9. Tam avtomatlaşdırma. Sistem, kompüterlərdə Power düyməsini sıxmaqla işə düşür və ya dayandırılır.

10. Məlumatlar bazalarının arxivləri. Sistemə inteqrasiya olunmuş Backup alt-sistemi, avtomatik qaydada Verilənlər Bankının gündəlik arxivini yaradır. Sistemdə qəza baş verərsə, məlumatların avtomatik bərpası imkanı var.

11. Şəbəkənin zərərli kodlardan mühafizəsi. Şəbəkəyə qoşulmuş server və kliyent kompüterlərin viruslardan mühafizəsi sistemi avtomat rejimində işləyir və anti-virus proqram bazaları (Internet qoşulmadan) avtomatik təzələnir.

12. Şəbəkənin hackerdərdən mühafizəsi. TSW 3.1.4.m5 platformasının mühafizə imkanları VTS-TEST sistemində hacker hücumlarından qorunmaq üçün istifadə olunur.

13. Sistemin tətbiqi üçün tələb olunan vaxt. Sistem, bütün zəruri tələblər yerinə yetiriləndən sonra, təhsil müəssisəsinin məlumatları əsasında 7-gün ərzində istismara hazır vəziyyətə gətirilir.

14. Sənədləşdirmə. Sisteminin effektiv və optimal istismarı üçün “VTS-TEST sisteminin istismar qaydaları” sənədi təqdim olunur. Təhsil müəssisəsi istismarın ilk dövründə bu sənəddən istifadə edə bilər. Sonradan, ehtiyac olarsa, təhsil müəssisəsi öz tələbləri əsasında bu qaydaların yeni versiyasını hazırlayıb, əmrləşdirə bilər.

15. Kəsilməz Provayder xidmətinin realizasiyası. VTS-TEST sistem həftənin 7 günü 24 saat işləmək imkanına malik olub, provayder funksiyalarını özündə cəmləyib.

2. VTS-TEST-in alt-sistemləri

VTS-TEST sistemi 3 baza alt sistemdən ibarətdir:

3. VTS-TEST-in tərtib olunan testlərə tələbləri

Testlərin tərtib olunması ilə bağlı tələblər aşağıdıkı sadə qaydalardan ibarətdir:

1. Sual və hər bir cavab ayrıca abzas kimi daxil edilməlidir
2. Cavablar latın əlifbasının böyük hərflərilə A) B) C) D) E) F) G) və s. işarələnməlidir
3. Cavabla hərfi nömrə arasında probel olmalıdır
4. Qrafik obyektlər və onlara bağlı yazılar rəsm qutusunun içərsində yerləşdirilməlidir.
5. Sualda sıralamalar rəqəmlə və qarşısında, probelsiz “-” işarəsi olmaqla ayrıca abzaslarda yığılmalıdır.
6. Düzgün cavab həmişə A) bəndi olmalıdır

4. VTS-TEST-in istismarı ilə bağlı tələblər

VTS-TEST sisteminin istismarı təhsil müəssisə rəhbərinin əmri ilə təsdiqlənmiş “VTS-TEST şəbəkə məsələsinin istismarı qaydaları” sənədi əsasında aparılır. Bu sənədin standart forması təhsil müəssisəsinə təqdim olunur. Ehtiyac olarsa, təhsil müəssisəsi öz tələbləri əsasında bu sənədin yeni versiyalarını hazırlaya bilərlər.

5. VTS-TEST-in texniki təminatına tələblər

6. VTS-TEST sisteminin qiyməti

Sistemin qiymətləndirilməsi bir neçə parametr üzrə müəyyənləşdirilir.

1. Sistemin istismar variantının seçilməsindən (Lokal və ya İnternet şəbəkə),
2. Seqmentlərin sayından,
3. Video Şəbəkə üzərinə qoyulmuş tələblərdən,
4. Testlərin məzmunu və formatı ilə bağlı işlərin həcmindən,
5. İstismar üçün nəzərdə tutulan treninqlərə sərf olunacaq vaxtdan,
6. Müəlliflik, yayımlanma və digər hüquqi məsələlərin həllindən,
7. Ödənişin birdəfəlik və ya təqvimi olmasından,
8. Əlavə sistemlərdən (Elektron Kitabxana sistemi, Fayl Mübadiləsi Sistemləri, Kliyent kompüterləri optimal şəkildə istisamar etmək üçün “Qeydiyyat” alt-sistemi),
9. Alıcı ilə danışıqlardan

asılı olaraq VTS-TEST sisteminin son qiyməti müəyyənləşdirilir.

◄ 1 2 3 4 5 6 ► A ₪