| Soft | bir addım irəlidə... |
|
|
Haqqımızda
20 ildən artıq İnformasiya Texnologiyaları sahəsində aramsız fəaliyyət...
1985-ci ildə Ümumittifaq Maşınqayırma İstehsalat birliyinin Hesablama
Mərkəzindən başladığımız fəaliyyətimizi bu günə qədər davam edirik. Bu illər
ərzində onlarla kompleks sistemlərin layihə və proqram təminatlarını
hazırlamışıq. Problem proqramlaşdırma sahəsindəki yaratdığımız sistemlər əsasən
iqtisadiyyatın müxtəlif sahələrin əhatə etmişdir. Bunlar arasında: Avtomatik
İdarəetmə Sistemləri (АСУ), Avtomatik Layihələşdirmə Sistemləri (САПР),
İqtisadi İdarəetmə və Proqnozlaşdırma sistemləri (Mühasibat, Anbar, Amartizasiya
və s.), Kadrların İdarəolunma Sistemləri, Virtual Təhsil Sistemi və s. onlarla
kompleks sistemlər yaradılmış və tətbiq edilmişdir.
1987-ci ildə keçmiş SSRİ-nin 17 şəhərində istismar olunan, o dövr üçün ən mükəmməl SVM əməliyyat sistemində, PL1 Alqoritmik Dili vasitəsilə yaradılmış "Neft Maşınqayırma Sənayesində ehtiyat hissələrinə olan tələbatın hesablanması" sistemi SSRİ Xalq Təssərüfatının Nailiyyətləri Sərgisində gümüş medala layiq görülmüşdür. Minsk-22 EHM-dən çoxprosesorlu fərdi kompüterlərə qədər, Assembler, Algol, Fortran, Cobol alqoritmik dillərindən VB, C++, PHP, PERL alqoritmik dillərinə qədər, DataBase verilənlərin bazasından FoxPro, MySQL, MsSQL7 bazalarına qədər, bir sözlə İnformasiya Texnologiyaların inkişaf tarixi bizdən kənar keçməmişdir. Əldə etdiyimiz təcrübə, peşəkarlıq səviyyəsi bu gün İnformasiya Texnologiyaları sahəsində istənilən məsələləri həll etmək iqtidarında olduğumuza dəlalət edir. 90-cı illərdən başlayaraq fərdi kompüterlərin geniş tətbiqi, İnformasiya Texnologiyaları sahəsində yeni məsələlərin həllini zəruri etdi. Kompüterləşmənin kütləvi xarakter alması, qlobal şəbəkələrə(əsasən İnternet) qoşulmaq imkanlarının genişlənməsi informasiya mübadiləsini sürətləndirməklə yanaşı, informasiyanın axtarışı, emalı, saxlanması, mühafizəsi və s. proqram sistemlərin qarşısına yeni tələblər qoymuşdur. Bizim şirkət bu tələblərin öhdəsindən bacarıqla gəlməklə yanaşı, bir çox İT məsələlərində yeni həll metodlarından istifadə edir. Bizim fəaliyyət sahələrimiz demək olar ki, bütün İnformasiya Texnologiyalarını əhatə edir: Öz daxili imkanlarımızın hesabına bir çox Milli Layihələrin gerçəkləşməsinə nail olmuşuq və bu sahədə kifayət qədər uğurlarımız var. Bu layihələr arasında "Qarabağ Sənədlərdə" saytı önəmli yer tutur. Azərbaycanın Qarabağla bağlı ən böyük informasiya mənbəyi olan "Qarabağ Sənədlərdə" saytı 2004-cü ildə sayt "Humay mükafatına" və MTN-nin "Samir Əsgərxanov adına" müsabiqənin mükafatına, 2007-ci ildə "Qarabağ Harayı" müsabiqəsinin diplomuna layiq görülmüşdür. Siz bizim digər Milli Layihələrimizlə də tanış ola bilərsiz. Bizim devizimiz "Keyfiyyət, keyfiyyət və yenə keyfiyyət" -dir! |
